ფეხბურთის ფედერაციის ყოფილი პრეზიდენტის, ლერი სულაბერიძის თქმით, მისთვის უცნობია ვინ ესროლა მის მანქანას. სულაბერიძე ამბობს, რომ, სავარაუდოდ, ცეცხლი არა ქუჩიდან, არამედ მანქანიდან გაუხსნეს.

წყნეთში სროლა გუშინ ღამით მოხდა. შინაგან საქმეთა სამინისტროში არ აკონკრეტებენ, ვის ეკუთვნოდა ავტომანქანა, საიდანაც ლერი სულაბერიძეს ცეცხლი გაუხსნეს.

უწყებაში On.ge-ს უთხრეს, რომ გამოძიება ორი მუხლით, საქართველოს სისხლის სამართლის კოდექსის 19-108 და 236 მუხლებით დაიწყო, რაც განზრახ მკვლელობის მცდელობასა და ცეცხლსასროლი იარაღის უკანონო შეძენა-შენახვას გულისხმობს.