კონსერვატიული პარტიის თავმჯდომარის, ზვიად ძიძიგურის განცხადებით, 2020 წლის არჩევნებში დამოუკიდებლად მიიღებენ მონაწილეობას. ამის მიზეზად კი იმას ასახელებს, რომ არცერთი პარტიის ინტერესები კონსერვატორების ღირებულებებსა და გემოვნებას არ პასუხობს.

ძიძიგურის განმარტებით, პარტია, ასევე, გეგმავს, რომ რამდენიმე ოლქში მაჟორიტარი კანდიდატებიც წარადგინოს.

"რამდენ ოლქში გვეყოლება? პირდაპირ გეტყვით, ფინანსები რამდენზეც გაგვწვდება იმდენში. რაც შეეხება თემას, იქნება თუ არა ზვიად ძიძიგური მაჟორიტარობის კანდიდატი, გეტყვით, რომ მე ვარ შტაბის უფროსი და ჩემი საქმიანობა თუ მომცემს შესაძლებლობას, რომ თან მაჟორიტარიც ვიყო, ვიქნები. მაგრამ, დიდი ალბათობით, ამის ფუფუნების უფლება მე არ მექნება", — განაცხადა მან.

მისი თქმით, პარტიას არჩევნებში მონაწილეობის ძალიან დიდი გამოცდილება აქვს, ამიტომ საქმიანობის მთელი საქართველოს მასშტაბით გაშლას გეგმავენ.