ჭიათურაში, სოფელ ხალიფაურში ნიღბიანებმა პენსიონერი ცოლ-ქმარი დააყაჩაღეს. მთავარი არხის ინფორმაციით, წაღებულია ფული და ძვირადღირებული ნივთები. ყაჩაღონის ფაქტი On.ge-ს შინაგან საქმეთა სამინისტროში დაადასტურეს. უწყების ცნობით, შემთხვევა გუშინ, 26 ივლისს ღამით მოხდა.

საქმეზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს. დანაშაული ისჯება თავისუფლების აღკვეთით ვადით 11-დან 15 წლამდე. შსს-ს განცხადებით, საქმეზე მიმდინარეობს საგამოძიებო მოქმედებები.