დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

26 ივლისისთვის საქართველოში კორონავირუსის კიდევ 6ახალი შემთხვევა გამოვლინდა, 2 ადამიანი კი გამოჯანმრთელდა. ინფორმაცია ამის შესახებ StopCov-ის ვებგვერდზე განახლდა.

ინფექციური საავადმყოფოს დირექტორის, მარინა ეზუგბაიას განცხადებით, ამ შემთხვევებიდან 4 არის შემოტანილი, 1 დადასტურებულ წყაროსთან კონტაქტი, მეექვსეს ინფიცირებული წყარო კი გაჩიანია.

მისივე თქმით, დღეს კოვიდცენტრებში მკურნალობს 237 დადასტურებული შემთხვევა.

"პაციენტების მდგომარეობას რაც შეეხება, ორი მძიმე პაციენტი გვყავს, რომელთა მდგომარეობა ბოლო დღეებია სტაბილურია და დღეს შეინიშნება მცირედი გაუმჯობესება. დანარჩენი პაციენტების მდგომარეობა საშუალო და საშუალოზე მსუბუქია", — განაცხადა ეზუგბაიამ.

განახლებული სტატისტიკით, კორონავირუსის დადასტურებული შემთხვევები 1 137-მდე გაიზარდა, მათ შორის, გამოჯანმრთელებულია 922 ადამიანი, გარდაცვლილი — 16. კარანტინის რეჟიმში 6 439 პირი რჩება, სტაციონარში მეთვალყურეობის ქვეშ კი 326 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: