აშშ-ში კორონავირუსით ინფიცირებულთა რიცხვმა 4 მილიონს გადააჭარბა. გარდაცვლილთა რიცხვმა ქვეყანაში 147 000-ს გადააჭარბა.

შტატებში ინფიცირებულთა ყველაზე მაღალი მაჩვენებელი ფიქსირდება ნიუ იორკში, სადაც 437 000-ზე მეტი ადამიანია ინფიცირებული, ხოლო გარდაცვლილთა რაოდენობა 32 000-ს აჭარბებს. Washington post-ის ინფორმაციით, გაზაფხულის პიკთან შედარებით, როცა დღეში 1 000-ზე მეტი ინფიცირებული კვდებოდა, ტემპი საგრძნობლად შენელებულია.

სტატისტიკის მიხედვით, აშშ ინფიცირებულთა რაოდენობით პირველ ადგილზეა. მეორეზეა ბრაზილია, სადაც ინფიცირებულთა რაოდენობა სწრაფად იზრდება. ამ დროის მონაცემებით, მსოფლიოში კორონავირუსის 15 მილიონზე მეტი შემთხვევაა დაფიქსირებული, გარდაცვლილთა რაოდენობა 600 000-ს აჭარბებს.