დაავადებათა კონტროლის ცენტრის დირექტორის, ამირან გამყრელიძის განცახდებით, ბოლო ერთი კვირის განმავლობაში 63 ახალი შემთხვევა დაფიქსირდა და აქედან 7-ის წყარო უცნობია.

"[ბოლო ერთ კვირაში] 46 გამოჯანმრთელებულია, რაც, ასევე, ინდიკატორია, რომელიც დამაფიქრებელია. ჩვენთან მოგეხსენებათ, რომ ბოლო ერთი თვის განმავლობაში გამოჯანმრთელებულთა რაოდენობა ჭარბობდა ახალ ინფიცირებულთა რაოდენობას. ბოლო ერთი კვირის განმავლობაში მოხდა რევერსი და გვაქვს პირიქით", — განაცხადა მან საკოორდინაციო საბჭოს სხდომის შემდეგ.

გამყრელიძის განცხადებით, ბოლო შემთხვევებიდან 24 გარდაბნის მუნიციპალიტეტში დააფიქსირეს. მისი თქმით, აქედან 6 ქალაქ გარდაბანში, 4 ყარათაკლიაში და 4 ყარაჯალარში.

StopCov-ის სტატისტიკით, 21 ივლისისთვის საქართველოში კორონავირუსის 10 ახალი შემთხვევა დადასტურდა, გამოჯანმრთელდა 3 ადამიანი.

ბოლო მონაცემებით, ქვეყანაში კორონავირუსის სულ 1049 შემთხვევაა გამოვლენილი, აქედან 903 ადამიანი უკვე გამოჯანმრთელდა, ხოლო 16 გარდაიცვალა. კარანტინის რეჟიმში რჩება 5 534 პირი, სტაციონარში მეთვალყურეობის ქვეშ — 267. უცხოეთიდან საქართველოში სამკურნალოდ 41 ადამიანი გადმოიყვანეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: