პარლამენტის თავმჯდომარე, არჩილ თალაკვაძე ამბობს, რომ თუ ყოფილი პრემიერმინისტრი, მამუკა ბახტაძე ქართული ოცნების პროპორციულ სიაში შევა, ბევრი მოქალაქე მოხარული იქნება. ასე უპასუხა მან ჟურნალისტის კითხვას, ვიხილავთ თუ არა ბახტაძეს ქართული ოცნების სიაში.

"მე ვფიქრობ, ძალიან ბევრი მოქალაქე მოხარული იქნება, თუ ის [მამუკა ბახტაძე] პროპორციულ სიაში იქნება. ვფიქრობ, ეს არ არის დაბრუნება, ეს არის გუნდი, რომელიც სტაბილურად მუშაობს. ეს არის სტაბილურობის ნიშანი, როდესაც გუნდის განახლება ხდება, მაგრამ პროფესიონალები, კომპეტენტური, წარმატებული ადამიანები რჩებიან გუნდში", — განაცხადა თალაკვაძემ პალიტრანიუსის ეთერში.

მამუკა ბახტაძე საქართველოს პრემიერმინისტრი 2018-2019 წლებში იყო, მან პოსტის თანამდებობის დატოვების შესახებ საზოგადეობას ფეისბუქპოსტით ამცნო. ბახტაძე პრემიერმინისტრის პოსტზე გიორგი გახარიამ ჩაანაცვლა.