პირველი საუნივერსიტეტო კლინიკის დირექტორის განცხადებით, ქალი, რომელსაც პიტბულის ჯიშის ძაღლი თავს დაესხა ისევ მძიმე მდგომარეობაშია. ამის შესახებ, მან რუსთავი 2-თან სატელეფონო საუბრისას განაცხადა.

"67 წლის ქაბატონი კლინიკაში 72 საათის წინ შემოვიდა, შემოყვანისას აღენიშნებოდა მრავლობითი ნაფლეთოვანი ჭრილობა, ჩაუტარდა რეკონსტრუქციული ოპერაციები. ქალბატონი გადავიდა მართვით სუნთქვაზე. პაციენტი მკურნალობას აგრძელებს რეანიმაციულ განყოფილებაში, მდგომარეობა ამ დრომდე მძიმეა", — განაცხადა რატიანმა.

შემთხვევა 16 ივლისს, თბილისში 21:00 საათზე მოხდა. თვითმხილველები ძაღლისაგან ქალის დახსნას რამდენიმე წუთის განმავლობაში ცდილობდნენ, თუმცა უშედეგოდ. გავრცელებულ ვიდეოჩანაწერში ჩანს, საბოლოოდ, ერთ-ერთმა თვითმხილველმა იარაღი ჯერ ჰაერში გაისროლა, რაზეც ძაღლს რეაქცია არ ჰქონდა, შემდეგ კი ძაღლს დამიზნებით ესროლა.