წინანდლის რადისონში გაჩენილი ხანძრის დროს საუნა და მიმდებარე ტერიტორია დაიწვა. ამის შესახებ ინფორმაცია On.ge-ს სილქროუდ ჯგუფის პრესსამსახურის უფროსმა, აკო ახალაიამ მიაწოდა.

"ხალხი ევაკუირებულია და უსაფრთხოდაა. სახანძრო სისტემებმა გამართულად იმუშავა", — აღნიშნავს სილქროუდის პრესსამსახურში.

რაც შეეხება ოჯახებს, რომლებმაც უსაფრთხოების მიზნით დატოვეს სასტუმრო, ახალაია ფეისბუქზე წერს, რომ ისინი სასტუმრო პარკ ჰოტელში გადაიყვანეს.

წინანდლის რადისონში ხანძარს ექვსი სახანძრო-სამაშველო ჯგუფი აქრობს. როგორც საგანგებო სიტუაციების მართვის სამსახურში აცხადებენ, დაშავებულების შესახებ ამ ეტაპისთვის ინფორმაცია არ აქვთ.