საქართველოს მთავარი პროკურატურის ინფორმაციით, თბილისის სააპელაციო სასამართლომ დამნაშავედ ცნო გაუპატიურების მცდელობისთვის ბრალდებული კაცი, რომელიც მანამდე საქალაქო სასამართლომ გაამართლა.

"სასამართლოში გამოკვლეული მტკიცებულებებით დადგინდა, რომ მ.დ.-მ 2017 წლის 7 აგვისტოს, მისი ნაცნობის მ.ხ.-ს გაუპატიურება სცადა, რა დროსაც დაზარალებულმა გაქცევა მოახერხა. აღსანიშნავია, რომ თბილისის საქალაქო სასამართლომ 2019 წლის 9 ივლისის განაჩენით მ.დ. წარდგენილ ბრალდებაში გაამართლა, რაც ბრალდების მხარემ სააპელაციო წესით გაასაჩივრა", — ამბობენ პროკურატურაში.

თბილისის სააპელაციო სასამართლომ გაუპატიურების მცდელობაში ბრალდებულ კაცს 6 წლით თავისუფლების აღკვეთა მიუსაჯა.