პარტია კანონი და სამართალის დამფუძნებელის თაკო ჩარკვიანის თქმით, ოპოზიური გაერთიანება ძალა ერთობაშია მას საბურთალოზე მაჟორიტარობის კონკურენტ კანდიდატს არ დაუყენებს. ამის შესახებ მან კვირის პრესკლუბში ისაუბრა.

როგორც ჩარკვიანი ამბობს, ძალა ერთობაშიას ინტერესებში არ შედის, რომ დასავლური ვექტორის თამარ ჩარკვიანს კონკურენტი დაუყენონ.

"ძალა ერთობაშია, ეს არის დასავლური ვექტორი, სადაც მუდმივად ვართ და ვართ. როცა ნაციონალურმა მოძრაობამ გამოაცხადა, რომ მხოლოდ ორი მანდატი და ჩვენ აღარ ვიღებთ მეტსო, ორი და დასრულდა. შესაბამისად, ბუნებრივია, ძალა ერთობაშია-გაერთიანებული ოპოზიცია მე კანდიდატს არ დამიყენებს, არა იმიტომ, რომ კოლეგიალობაა, არამედ მათ ინტერესშიც არ შედის", — განაცხადა ჩარკვიანმა.

თაკო ჩარკვიანი საბურთალოს მაჟორიტარად იყრის კენჭს. ამის შესახებ ჩარკვიანმა საკუთარ ფეისბუქზე დაწერა. მისი თქმით, აღნიშნული გადაწყვეტილება სამეგობროსა და ოჯახთან კონსულტაციების შემდეგ მიიღო.