პარლამენტი ხვალ 23 ივნისს საარჩევნო რეფორმასთან დაკავშირებულ საკონსტიტუციო ცვლილებებს მეორე მოსმენით უყრის კენჭს. ამაზე პარლამენტის სპიკერმა, არჩილ თალაკვაძემ ბიუროს სხდომაზე განაცხადა. მისი თქმით, კანონპროექტის განხილვა მომდევნო კვირაში დასრულდება.

"ხვალ გაიმართება არჩევნებთან დაკავშირებულ საკონსტიტუციო ცვლილებაზე მეორე კენჭისყრა, ხოლო მომდევნო კვირაში გაიმართება მესამე მოსმენით კენჭისყრა. ამით პარლამენტი სამჯერ განიხილავს და დაასრულებს საარჩევნო სისტემასთან დაკავშირებულ საკონსტიტუციო ცვლილებაზე მსჯელობას," — განაცხადა არჩილ თალაკვაძემ.

პარლამენტის თავმჯდომარის თქმით, ინიცირდება საარჩევნო კოდექსის ცვლილებაც, არჩევნების დროს კორონავირუსთან დაკავშირებულ უსაფრთხოების საკითხებზე, პრობლემის მართვის საკითხებზე.