რუსთავი 2-ის ეთერში საუბრისას, პარლამენტის თავჯდომარე ირაკლი კობახიძემ განაცხადა, რომ საქართველო ეკონომიკური განვითარებით ერთ-ერთი ლიდერი ქვეყანაა, ხოლო ლარის გაუფასურება რეგიონულ მდგომარეობაზეც არის დამოკიდებული:

"ლარი ერთ-ერთი პირველი პრობლემაა ჩვენი ხელისუფლებისთვის. ამბობენ, თითქოს მთავრობის არასწორი ეკონომიკური პოლიტიკის ბრალია ლარის კურსის დევალვაცია. სინამდვილეში, ერთ-ერთი მთავარი მიზეზი რაზეც ასევე ყურადღება უნდა გავამახვილოთ, არის რეგიონული ფაქტორი.

საერთო სურათის მიხედვით, ქვეყნების უმრავლესობაში ვალუტებმა კიდევ უფრო მაღალი დონის დევალვაცია განიცადა. სამეზობლო რომ ავიღოთ, აზერბაიჯანი, უკრაინა, ბელორუსია, მოლდოვა, რუსეთი. ერთადერთი სომხეთია მთელს რეგიონში, რომელსაც ჩვენზე დაბალი ხარისხი ჰქონდა დევალვაციის, ერთადერთი გამონაკლისია. შესაბამისად, მხოლოდ მთავრობის საქმიანობას ვერ მივაწერთ დევალვაციას".

ბოლო 5 დღეში ლარმა სამჯერ მიაღწია ისტორიულ მინიმუმს. დღეს ეროვნული ბანკის მონაცემებით ამერიკული დოლარის ღირებულება 2,5311 ლარი გახდა.