ლელო საქართველოსთვის წევრი, გრიგოლ გეგელია ამბობს, რომ ლგბტ თემის შესახებ მამუკა ხაზარაძის განცხადების შემდეგ, პარტია ბულინგის მსხვერპლი გახდა. გეგელიას განმარტებით, საზოგადოების ნაწილი ხარაძის კონტექსტიდან ამოგლეჯილი ფრაზებით მსჯელობს და სინამდვილეში, მან მხოლოდ ის თქვა, რომ ძალიან კარგი საკანონმდებლო ბაზაა, რომელიც უზრუნველყოფს ყველა მოქალაქის უფლებათა დაცვას უზრუნველყოფს.

მისივე მტკიცებით, ერთი და იგივე სქესიანი ადამიანების წყვილისთვის ქორწინებისა და შვილადაყავნის უფლების არმინიჭიბაზე ხაზარაძე, მხოლოდ "თავზე მოხვევის" კონტექსტში საუბრობს.

"მან თქვა, რომ საქართველოში გვაქვს ძალიან კარგი საკანონმდებლო ბაზა, რომელიც უზრუნველყოფს ყველა მოქალაქის უფლებათა დაცულობას და განსაკუთრებით ეს არის განსხეულებული ანტიდისკრიმინაციულ კანონში და მიუხედავად ამისა ეს კანონმდებლობა არ სრულდება ადეკვატურად.ორი დღეა ჩვენ გარკვეულწილად ვართ, ვიღაცების მხრიდან ყოველ შემთხვევაში, ყველას მხრიდან არა, ბულინგის მსხვერპლნი. იმიტომ, რომ ვისმენთ და ვხედავთ წინადადებებს, რომელიც ამ კაცს არ უთქვამს და არც ერთ ჩვენგანს არ მიაჩნია მართებულ სოციალურ და პოლიტიკურ პოზიციად", — განაცხადა გეგელიამ TV პირველის ეთერში.

რამდენიმე დღის წინ, პარტია ლელო საქართველოსთვის ლიდერმა, მამუკა ხაზარაძემ განაცხადა, რომ საქართველოში ლგბტ თემის უფლებები "ძალიან კარგადაა" დაცული და ისე არ უნდა მოხდეს, რომ უმცირესობამ უმრავლესობის უფლებები შელახოს. ამ თემაზე მან TV პირველის ეთერში ისაუბრა.

პოლიტიკოსმა ჟურნალისტის კითხვას, რას ფიქრობს ლგბტ თემისთვის ქორწინებისა და შვილად აყვანის უფლების მინიჭებაზე, უპასუხა, რომ სჯერა შვილი დედამ და მამამ უნდა აღზარდოს.

ამავე თემაზე პარტიის ერთ-ერთმა ლიდერმა, დავით უსუფაშვილმა განაცხადა, რომ ლელო ერთი და იგივე სქესის ადამიანებს შორის ქორწინებას მხარს არ უჭერს.