2015 წლის პირველ იანვრამდე, ფიზიკური პირებზე უძრავი ქონებით უზრუნველყოფილი უცხოური ვალუტით გაცემული სესხები ლარში კონვერტირდება. ამის შესახებ მთავრობის სხდომაზე გიორგი კვირიკაშვილმა განაცხადა. პრემიერის თქმით, ეს ე.წ. ლარიზაციის გეგმის ნაწილია, რომელიც მთავრობამ ეროვნულ ბანკთან ერთად შეიმუშავა.

კვირიკაშვილის თქმით, უცხოურ ვალუტაში აღებული სესხის ლარში გადატანა არსებული კურსის მინუს 20 პროცენტის ოდენობით მოხდება:

"გეგმის მიხედვით, როგორც ერთჯერადი სოციალური აქცია მოხდება 2015 წლის პირველ იანვრამდე ფიზიკურ პირებზე უძრავი ქონებით უზრუნველყოფილი უცხოური ვალუტით გაცემული სესხების ლარში გადატანა არსებული კურსის მინუს 20 პუნქტით ოდენობით. ერთ კლიენტზე ერთ ბანკში 100 ათას ლარზე ნარჩენი თანხის სუბსიდია. გადაწყვეტილების გამოცხადების მომენტში. მაგალითად, თუ კურსია 2,5 მოხდება ლარში კონვერტაცია კურსით 2,3. ამ სესხებზე გაუქმდება წინასწარ დაფარვის საკომისიოც. ბანკები ვალდებული იქნებიან გადაწყვეტილების მიღებიდან 10 დღეში შეტყობინება გაუგზავნონ ყველა კლიენტს, ვისაც ეს გადაწყვეტილება პოტენციურად შეეხება."