ორგანიზაცია საინფორმაციო თავდაცვის ლეგიონმა სოფელ ერგნეთში, საოკუპაციო ხაზთან აქცია პერფორმანსი გამართა. აქციის მონაწილეებმა სიმბოლური "ჩერნობილის ფორმებითა" და ეკიპირებით ერგნეთში მიწის, მწერების და მცენარეების "ნიმუშები აიღეს". აღნიშნული კადრები და კომენტარები რადიო თავისუფლებამ გაავრცელა.

პრეფორმანსი ე.წ. სამხრეთ ოსეთის სპეციალური სამსახურის წარმომადგენლების მიერ ზნაურის რაიონში წყლის, ჰაერის, ნიადაგის, მწვანე საფარისა და რიგი მწერების ნიმუშების "საკვლევად აღებას ეხმაურება". აქციის მონაწილეებმა თქვეს, რომ ბოლო პერიოდის განმავლობაში ე.წ. ცხინვალის მთავრობა და შესაბამისი სამსახურები ძალიან წვალობენ, ამიტომ მათ საქართველოს სხვადასხვა წერტილიდან აღებულ ნიმუშებს "ცხოველური ინტერესის" დასაკმაყოფილებლად თავად გაუგზავნიან.

"წესების სრული დაცვით მოხდა ნაცხის შეგროვება, ყელის არედან ავიღეთ ძირითადად ჭიანჭველასა და კოღოებში და გავუგზავნით გაზეთში გადახვეულს ბატონ ბიბილოვს და მედოევს, რომ დაისვენონ როგორმე, ყველა ტერიტორია გვაქვს შეგროვილი, რომელიც მას ასე ძალიან აინტერესებთ", — თქვა გიორგი მოლოდინმა.

საოკუპაციო რეჟიმმა ბოლო პერიდის განმავლობაში ლუგარის ლაბორატორიაზე დეზინფორმაციულ კამპანიას ეწევა. ოკუპანდებმა კვლევთ ცენტრში სპეციალური ვიზიტიც მოითხოვეს, რაზეც ქართულმა მხარემ უარით უპასუხა.

რამდენიმე დღის წინ ე.წ. სამხრეთ ოსეთის მხარემ გაავრცელა განცხადება, რომ კგბ-ს სხივური და ქიმიური-ბიოლოგიური დაცვის (RCBZ) რენტგენისა და ქიმიური-ბიოლოგიური დაცვის (RCBZ) ქვედანაყოფის თანამშრომლების მიერ შეირჩა ნიადაგის, წყლის, ჰაერის, მწვანე საფარის და სხვადასხვა მწერების ნიმუშები, რათა შემდგომ ლაბორატორიაში მათი შესწავლა მოხდეს. საოკუპაციო რეჟიმი ამბობს, რომ თუ ჩატარებული ექსპერტიზით გაირკევვა, რომ ნიმუშებში პათოგენური მიკლოფლორაა ეს მიუთითებს თბილისის მიერ ე.წ. სამხრეთ ოსეთის წინააღმდეგ ბიოტერორიზმის ფორმებისა და მეთოდების გამოყენებაზე.