ქართული ოცნების ყოფილი დეპუტატი, მარიამ ჯაში ადასტურებს, რომ 2020 წლის არჩევნებზე მონაწილეობას მიიღებს, როგორც ახალი პოლიტიკური პარტიის წევრი. ჯაში ჯერ არ საუბრობს რა იქნება პარტიის სახელი ან ვინ იქნებიან მისი წევრები. ამ თემაზე კომენტარი დეპუტატმა მთავარ არხთან გააკეთა.

"გიდასტურებთ, რომ 2020 წლის არჩევნებში მივიღებთ მონაწილეობას, დიახ, ვერთიანდებით არაერთ კოლეგასთან ერთად, თუმცა რა ფორმით და როგორ, სულ რამდენიმე დღეში გაიგებს საზოგადოება", — თქვა მარიამ ჯაშმა.

დეპუტატის თქმით, პარტიაში არა მხოლოდ პარლამენტის წევრები, არამედ საზოგადოებისთვის ცნობილი სხვა სახეებიც იქნებიან. მისი განცხადებით, მთავარი საზოგადოების ნდობა და პროფესიონალიზმი იქნება.