იურიდიულ საკითხთა კომიტეტის თავჯდომარის მოადგილე ვანო ზარდიაშვილი რუსთავი 2-თან საუბრისას ნიკა გვარამიას ბრალდებებს აბსურდულს უწოდებს:

"ნიკა გვარამიას ფანტაზიის უნარი არ ვიცი რას შევადარო, ცირკში მგონია უკვე თავი. მსახიობია რა ადამიანი, რომელიც ფანტაზიის უნარს აღვივებს და სასწაულ წარმოდგენებს აკეთებს".

რუსთავი 2-ის გენერალურმა დირექტორმა გუშინ განაცხადა, რომ უზენაესი სასამართლოს მოსამართლეებზე ზეწოლის განსახორციელებლად ივანიშვილს ახალი კაცი ჰყავს და ეს კაცი ვანო ზარდიაშვილია.

კითხვაზე, აქვს თუ არა კონსულტაციები ივანიშვილთან ან უზენაესი სასამართლოს მოსამართლეებთან, ზარდიაშვილი აცხადებს, რომ ესეც გვარამიას მიერ "დადგმული სპექტაკლის" ნაწილია:

"ჩვეულებრივი შოუა ეს ყველაფერი, ასე მგონია ნიჭიერს ვუყურებ".

გვარამიას ბრალდებას არასერიოზულს უწოდებს იურიდიულ საკითხთა კომიტეტის თავჯდომარე ეკა ბესელიაც.