პარლამენტის პირველი ვიცე-სპიკერი, გია ვოლსკი ამბობს, რომ ოპოზიციასთან შედარებით ქართული ოცნების უპირატესობა ადამიანურობაშია. მისი თქმით, ოპოზიციაში უარყოფითი ენერგია სუფევს, რაც ქართულ ოცნებაზეც გადადის.

"ქართული ოცნების უპირატესობა ადამიანურობაში მდგომარეობს და რაზედაც მთელი ძალებით შტურმია მიტანილი და რაც პარლამენტში არჩევნები წააგეს, მას მერე ეს არის მთავარი თემა, რომ მორჩით 9 წელიწადზე ლაპარაკს, უშველებელი ცოდვებით მოვიდნენ. უარყოფითი ენერგია სუფევს ამ პოლიტიკურ ველზე. ჩვენ რაც არ უნდა კარგი ბიჭები და გოგოები ვიყოთ, ეს უარყოფითი ენერგია გადმოდის ჩვენზეც", — განაცხადა ვოლსკიმ იმედზე.