პატრიოტთა ალიანსის ლიდერი, ირმა ინაშვილი ფიქრობს, რომ პრემიერმინისტრის ინტერპელაციის წესით პარლამენტში მისვლა საჭირო არ იყო. მისი თქმით, გიორგი გახარიამ ორი დღის წინ უკვე ამომწურავად ისაუბრა.

"მე ვფიქრობ, საერთოდ არ იყო დღეს პრემიერის პარლამენტში მოსვლა საჭირო. ამომწურავად ისაუბრა, იგივე საკითხებზე მიდის მსჯელობა, გაგვეთვალისწინებინა ამ თემატური სხდომის შეკითხვები და დამთავრებულიყო. ახლა, ხვალ ჩვენ მოგიწვევთ და კიდევ უნდა მოხვიდეთ ხვალაც? მაგრამ ჩვენ რომ მოგიწვიოთ, არ მოხვალთ. ნაციონალური მოძრაობა რომ გიწვევთ, მაშინ უნდა მოხვიდეთ, კარგია, ასე გააგრძელეთ", — განაცხადა ინაშვილმა.

დღეს პარლამენტში ინტერპელაციის წესით პრემიერმინისტრი გიორგი გახარია იმყოფება. გახარია ინტერპელაციის წესით ნაციონალურმა მოძრაობამ და ევროპულმა საქართველომ მოიწვიეს.