შინაგან საქმეთა მინისტრის მოადგილის, ნინო ცაციაშვილის თქმით, წელს, იანვრიდან აპრილის თვის ჩათვლით, 3400-ზე მეტი ორდერი იქნა გამოცემული.

მისივე განმარტებით, გაზრდილი სტატისტიკის ერთ-ერთი მთავარი მიზეზი არის ის, რომ ცნობიერება იზრდება და საზოგადოებას უფრო მეტი ინფორმაცია აქვს ოჯახური დანაშაულის შესახებ.

"შემაკავებელი ორდერი სახელმწიფოს ხელში არის ძალიან მოქნილი და ეფექტიანი მექანიზმი, რათა ოპერატიულად მოხდეს მსხვერპლის უსაფრთხოების დაცვა. იანვრიდან აპრილის თვის ჩათვლით, 3400-ზე მეტი ორდერი იქნა გამოცემული პოლიციის მხრიდან," — განაცხადა ნინო ცაციაშვილმა ღამის კურიერში.

მისივე ინფორმაციით, აპრილის მეორე ნახევარში 112-ის ჩუმი განგაშის ღილაკის გამოყენების 11 შემთხვევა დაფიქსირდა.