დამოუკიდებელი მკვლევარები ამბობენ, რომ უამრავი ყალბი ახალი ამბების გავრცელება ამერიკის საპრეზიდენტო არჩევნების წინა პერიოდში რუსული პროპაგანდისტული კამპანიის საშუალებით ხდებოდა. ინფორმაციას ვაშინგტონპოსტი ავრცელებს.

დეზინფორმაციული ონლაინ განთავსებული სტატიების მიზანი იყო დემოკრატი ჰილარი კლინტონის იმიჯისა და ამერიკული დემოკრატიის რწმენის დანგრევა და რესპუბლიკელი დონალდ ტრამპის დახმარება.

რუსეთის დახვეწილი სიყალბის გამავრცელებელი პროპაგანდა მოიცავდა ე.წ. ბოტნეტებს - ვირუსი, რომელის პერსონალურ კომპიუტერს აკონტროლებს მფლობელისგან საიდუმლოდ, ე.წ. ტროლებს - იმ ადამიანების ჯგუფი, რომლესაც ფულს უხდიდნენ მათთვის სასარგებლო ინფორმაციის ინტერნეტში გასავრცელებლად, სოციალურ მედიაში სხვადასხვა ანგარიშებს.

პროპაგანდის ჯაჭვის სხვადასხვა ნაწილები ერთ მიზანს ემსახურებოდნენ - ჰილარი კლინტონისთვის კრიმინალის პორტრეტის შექმნას, რომელიც საზოგადოებას თავის ჯანმრთელობის პრობლემებს უმალავდა.

დამოუკიდებელი მკვლევარების ორი ჯგუფის აღმოჩენით, რუსებმა ექსპლუატაცია გაუწიეს ამერიკაში შექმნილ ტექნოლოგიურ პლატფორმებს და ის ამერიკის დემოკრატიაზე თავდასასხმელად გამოიყენეს, მისთვის ყველაზე მნიშვნელოვან მომენტში - არჩევნების წინ.

რუსული ტაქტიკის ამ ძალამ, შესაძლოა Facebook-სა და Google-ს საქმე გაურთულოს, ყალბი ახალი ამბების გავრცელების ხელის შეშლაში. ორივე კომპანიამ განაცხადა, რომ ამ პრობლემის მოგვარებას დაიწყებენ.

არ არსებობს გზა იმის დასამტკიცებლად, არის თუ არა რუსული კამპანიის შედეგი დონალდ ტრამპის გამარჯვება ამერიკის საპრეზიდენტო არჩევნებში, თუმცა მკვლევარები აცხადებენ, რომ რუსული ტაქტიკის მოქმედების ფარგლებში, ამერიკის სახელმწიფო მოხელეების კომპიუტერებზე კიბერ-თავდასხმები განხორციელდა, რა დროსაც გამოქვეყნდა ჰილარი კლინტონის იმეილები. ამ მოვლენებმა კი კლინტონის იმიჯი მნიშვნელოვნად დააზარალა არჩევნების მიწურულს.

მონიტორინგის ანგარიშის მიხედვით, სულ 200-ზე მეტი ვებსაიტი ავრცელებდა ყალბ ცნობებს, მათი მკითხველი კი 15 მილიონზე მეტი ამერიკელი იყო. დეზინფორმაციული შინაარსის სტატიები 213 მილიონზე უფრო მეტჯერაა ნანახი ინტერნეტმომხმარებლების მიერ.