ევროპული საქართველოს ლიდერის, გიგი უგულავას შეფასებით, ზუგდიდში მათი პარტიის წევრის მიმართ გამოძიება იგივე სცენარით მიმდინარეობს, რითიც "ძიუდოსიტის ჩადება". უგულავამ აღნიშნა, რომ ქართული ოცნება და პროკურატურა ბართლომე შელიას "ველურად" ექცევა.

"მათი სტილია ეს, მე მაქვს საკუთარ თავზე მაქვს გამოცდილი, ძიუდოისტი "ჩამიდეს" და დამაბრალეს რომ მე ვცემე ის ძიუდოისტი, დაახლოებით ანალოგიური სცენარით ვითარდება ეს სიტუაციაც. საქმე ის არის, რომ არავის ამის აღარ ეშინია. რაც არ უნდა ბრალდებები დაკიდო კისერზე ადამიანს, რაც არ უნდა შეაშინო პროკურატურით და ა.შ. სიტუაცია მაინც არ შეიცვლება", — თქვა გიგი უგულავამ.

უგულავას განცხადებით, ქართული ოცნებას ორმაგი სტანდარტები ბუმერანგივით მიუბრუნდება.

ბართლომე შელიას კიდევ ერთ პირთან ერთად პროკურატურამ დღეს, 25 მაისს ბრალი ძალადობის მუხლით წარუდგინა. უწყების ინფორმაციით ფიზიკური და სიტყვიერი დაპირისპირება ზუგდიდის საკრებულოს ტერიტორიაზე 7 აპრილს მოხდა. პროკურატურა აღკვეთის ღონისძიებსი სახით გირაოს შეფარდებას მოითხოვს.