თბილისის სახელმწიფო უნივერსიტეტში სტუდენტური თვითმმართველობის არჩევნები მიმდინარეობს. სტუდენტებმა თითო ფაკულტეტიდან 20 დელეგატი უნდა აირჩიონ.

"7 ფაკულტეტიდან სულ 140 დელეგატი უნდა აირჩიონ. კენჭისყრის პროცესი 6 საათზე დასრულდება. დღის ბოლოს კი ცენტრალური საარჩევნო კომისია შედეგებს გამოაცხადებს" - აცხადებს თსუ-ს საარჩევნო კომისიის თავჯდომარე დემეტრე ეგნატაშვილი.

არჩევნებს აპროტესტებს აუდიტორია 115 და ხელისუფლებას მოთხოვნებით მიმართავს.

"თვითმმართველობის არჩევნები ძველი მეთოდებით ტარდება. მიგვაჩნია, რომ სტუდენტური თვითმმართველობის ამ ფორმით შენარჩუნება წარმოადგენს ავტორიტარული რეჟიმის გადმონაშთს უნივერსიტეტში" - აცხადებენ ისინი.

აუდიტორია 115-ს უნივერსიტეტის მეექვსე კორპუსი აქვს დაკავებული, სადაც უბნები არაა განთავსებული. მოძრაობა პირველ საათზე აქციის გამართვას გეგმავს.

ეგნატაშვილის თქმით, კომისია თავის მხრივ ყველაფერს გააკეთებს, საარჩევნო უბნებზე წესრიგის დასაცავად.