შერიგებისა და თანასწორობის საკითხებში სახელმწიფო მინისტრი, ქეთევან ციხელაშვილი განმარტავს, რომ ის მინისტრის თანამდებობაზე საქმიანობას 15 ივნისამდე აგრძელებს.

მისი თქმით, ახლაც ოძისში იმყოფება და გამყოფი ხაზების სრულ პერიმეტრზე აქტიური კამპანიის ჩატარებას აპირებს, რათა მოსახლეობას სხვადასხვა ჰუმანიტარული პაკეტით დაეხმარნონ.

ციხელაშვილი აღნიშნავს, რომ მისთვის საქართველოს მუდმივი წარმომადგენლობა ეუთოს მისიაში, ასევე ვენაში განლაგებულ საერთაშორისო ორგანიზაციებსა და საქართველოს ელჩად ავსტრიის რესპუბლიკაში ძალიან საპატიო, საპასუხისმგებლო და კომპლექსური მანდატია.

"თუმცა, 15 ივნისამდე მე ვაგრძელებ ჩემს საქმიანობას როგორც სახელმწიფო მინისტრი, ახლაც ვიმყოფები ოძისში და ვაპირებთ ძალიან აქტიური კამპანიის ჩატარებას გამყოფი ხაზების სრულ პერიმეტრზე, რომ დავეხმაროთ ჩვენს მოსახლეობას ჰუმანიტარული სხვადასხვა პაკეტით და არა მხოლოდ, განსაკუთრებით მაშინ, როდესაც კოვიდ 19-ის ფონზე არ წყდება რუსეთის საოკუპაციო რეჟიმის მხრიდან ბორდერიზაცია. მე ახლაც ყოველდღე მთელი ენერგიით და მომავალშიც ყველგან, სადაც არ უნდა ვიყო დავიცავ ჩემი სამშობლოს, ჩემი სახელმწიფოს და ჩემი ხალხის ინტერესებს", — განაცხადა ციხელაშვილმა.

როგორც ცნობილია, ქეთევან ციხელაშვილი ეუთოსა და ვენაში განლაგებულ საერთაშორისო ორგანიზაციებში საქართველოს მუდმივი წარმომადგენელი და ავსტიარაში საქართველოს ელჩი იქნება.