ნაციონალურ მოძრაობის წევრი, თინა ბოკუჩავა ამბობს, რომ ვანო მერაბიშვილის მათ პარტიაში მისვლა პოლიტსაბჭოზე არ განხილულა. ამის შესახებ ბოკუჩავამ მთავარ არხთან ისაუბრა. მისი თქმით, თუ მერაბიშვილის პარტიაში შესვლის განხილვა იქნება, ამას საზოგადოებაც გაიგებს.

"პიროვნული განწყობები, რა თქმა უნდა, მნიშვნელოვანია, მაგრამ არ არის გადამწყვეტი. განსაკუთრებით მაშინ, როდესაც ერთ ადამიანზე ჩამოკიდებული პარტია არ არის, როგორც ეს ქართული ოცნების შემთხვევაშია. ჩვენ გადაწყვეტილებებს ვიღებთ გუნდურად, გადაწყვეტილებებს ვიღებთ კონკრეტული პოლიტიკური ორგანოს მეშვეობით, რომელსაც ჰქვია პოლიტსაბჭო და თუ ეს საკითხი ოდესმე კენჭისყრაზე დადგება, ცნობილი გახდება", — განაცხადა ბოკუჩავამ.

ევროპული საქართველოს ლიდერის, გიგი უგულავას თქმით, ვანო მერაბიშვილი ნაციონალური მოძრაობის წევრი იქნება. მანვე აღნიშნა, რომ მერაბიშვილის რამდენიმე დღის წინ შეხვდა.

"ფაქტობრივად, საბოლოოდ ჯამში, ის ნაციონალურ მოძრაობაში იქნება. როგორი ფორმით, რანაირად, ეს უკვე ნაციონალური მოძრაობის საქმეა. ჩვენ მეგობრები ვართ მანამ სანამ ვარდების რევოლუცია [იქნებოდა] 1998 წლიდან. მეგობრობა აბსოლუტურად სხვა რამეა, მაგრამ პარტიულობა...", — თქვა გიგი უგულავამ.