კემბრიჯის უნივერსიტეტში ყველა ლექცია 2021 წლის ზაფხულამდე ონლაინ ჩატარდება. ამ გადაწყვეტილებით, ის გახდა პირველი უნივერსიტეტი, რომელმაც განაცხადა, რომ 2020-21 სასწავლო წელს ვირტუალურ სწავლებაზე გადავა. საგანმანათლებლო დაწესებულებაში მიიჩნევენ, რომ სოციალური დისტანციის შენარჩუნება კვლავ მნიშვნელოვანია.

თუმცა, კემბრიჯის უნივერსიტეტში გამონაკლისებს დაუშვებენ და იმ შემთხვევაში, თუ სასწავლო პროცესის მონაწილეები სოციალურ დისტანციას დაიცავენ, მცირე ზომის ჯგუფებს უნივერსიტეტში დაუშვებენ.

"უნივერსიტეტი უწყვეტ რეჟიმში გადის ადაპტაციას იმ ცვლილებებთან, რომლებიც პანდემიის შემდეგ წარმოიქმნა. სოციალური დისტანციის დაცვის აუცილებლობა არ გამქრალა, ამიტომ გადავწყვიტეთ, რომ პირისპირ ლექციები ვირტუალურით ჩავანაცვლოთ", — განაცხადეს კემბრიჯის უნივერსიტეტის პრესსამსახურში.

განცხადების მიხედვით, გეგმის ამოქმედების შემდეგ, ლექციები ონლაინ განთავსდება, თუმცა იმ შემთხვევაში, თუ კორონავირუსთან დაკავშირებით მდგომარეობა შემსუბუქდება, ცვლილება დროზე ადრე გადაიხედება.

უნივერსიტეტი ონლაინ სწავლებაზე თავდაპირველად მარტში გადაერთო, სტუდენტები გამოცდებს ვირტუალურად აბარებენ.