დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნულმა ცენტრმა, საქართველოში ახალი კორონავირუსის მიმდინარეობის ანალიზი გამოქვეყნა, რომლის მიხედვითაც, ქვეყანაში დადასტურებულ შემთხვევებიდან, 16,6 პროცენტი უსიმპტომო იყო. NCDC-ის განმარტებით, 500 შემთხვევიდან, PCR ტესტირების დროს ასიმპტომური 83 შემთხვევა აღმოჩნდა.

მონაცემების მიხედვით, იმპტომებიდან ყველაზე ხშირად ცხელება ვლინდება. კერძოდ, 82,4 პროცენტში. ასევე, ხშირია ზოგადი სისუსტე — 49,6%, ხველა — 38,3% და ყელის ტკივილი — 25,9%.

NCDC-ს ინფორმაციით, ერთზე მეტი სიმპტომი აღინიშნა პაციენტების 57.6%-ში (288 შემთხვევა), აქედან 55.1% კაცსა (134 შემთხვევა) და 59.9% ქალში (154 შემთხვევა).

ფოტო: NCDC

ორგანიზაციის განცხადებით, კვლევის ფარგლებში, თითოეული პაციენტის შემთხვევაში გაანალიზდა დაავადების კლინიკური სიმპტომების და თანმხლები დაავადებების არსებობა პაციენტის ჰოსპიტალიზაციამდე.

19 მაისის მონაცემებით, ქვეყანაში კორონავირუსით ინფიცირებულის 702 შემთხვევაა დაფიქსირებული, მათგან გამოჯანმრთელებულია 456, ხოლო გარდაცვლილია 12 ადამიანი. კარანტინის რეჟიმში 3 787 პირი რჩება, სტაციონარში მეთვალყურეობის ქვეშ კი — 337.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: