25 ნოემბერს დაგეგმილ თსუ-ის სტუდენტური თვითმმართველობის არჩევნების პარალელურად, აუდიტორია 115 აქციას გამართავს.

სტუდენტები თვითმმართველობის არჩევნების არსებულ მოდელს აპროტესტებენ. მათ პრეტენზია აქვთ უნივერსიტეტში სწავლის ხარისხთან და სტუდენტურ საცხოვრებელთან დაკავშირებითაც.

აუდიტორია 115-ის წევრები მოითხოვენ:

  • საქართველოს პარლამენტმა უმოკლეს ვადაში განიხილოს სტუდენტების მიერ შემოთავაზებული ინიციატივა უმაღლესი განათლების შესახებ კანონში ცვლილებების შეტანასთან დაკავშირებით, რომლის თანახმადაც, სტუდენტური თვითმმართველობის მოქმედი მოდელი გაუქმდება, ხოლო მას ჩაანაცვლებს თანასწორობის პრინციპზე დაფუძნებული სტუდენტური გაერთიანებები
  • თსუ-ის საფაკულტეტო საბჭოს არჩევნები ჩატარდეს კანონში ცვლილების მიღების შემდეგ, პირდაპირი წესით
  • დაუყოვნებლივ დაიწყოს გარე რეფერირების პრინციპის დანერგვის პროცესი
  • სრულად რეაბილიტირდეს სტუდენტური საერთო საცხოვრებელი
  • გაიზარდოს მეცნიერების დაფინანსება

აქცია 25 ნოემბერს, 13:00 საათზე, თბილისის სახელმწიფო უნივერსიტეტის პირველი კორპუსის წინ გაიმართება.