თბილისის მერის მოადგილემ, სოფიო ხუნწარიამ თანამდებობა დატოვა. ამის შესახებ ინფორმაციას თბილისის მერია ავრცელებს. მერიის ცნობით, ხუნწარიამ თანამდებობა საკუთარი განცხადების საფუძველზე დატოვა.

მათივე ინფორმაციით, გათავისუფლების ბრძანებას თბილისის მერმა, კახა კალაძემ ხელი უკვე მოაწერა.

"თბილისის მერია მადლობას უხდის სოფიო ხუნწარიას ორი წლის მანძილზე მუნიციპალიტეტში განხორციელებული არაერთი მნიშვნელოვანი პროექტისთვის და უსურვებს მას წარმატებებს შემდგომ საქმიანობაში", — ნათქვამია მერიის მიერ გავრცელებულ განცხადებაში.

სოფიო ხუნწარია კახა კალაძის მეხუთე მოადგილედ 2018 წლის იანვარში დაინიშნა. მანამდე ის თბილისის მერიის კულტურის საქალაქო სამსახურის უფროსი იყო.