ესპანეთის პროკურატურა კლუბ ბარსელონას თავდამსხმელ ნეიმარისთვის 2 წლიან პატიმრობას ითხოვს. სამართლებრივი უწყება ფეხბურთელს კორუფციაში ედავება. ინფორმაციას BBC ავრცელებს.

მოსამართლემ ასევე 5 წლიანი თავისუფლების აღკვეთა ბარსელონას ყოფილი პრეზიდენტის, სანდრო როსელის, წინააღმდეგ და კლუბისთვის ჯარიმის სახით 7,2 მილიონი ევროს გადახდა მოითხოვა, ხოლო ბარსელონას ამჟამინდელი პრეზიდენტის, ხოსეპ მარია ბართომეუს, სამართლებრივი დევნისგან გათავისუფლება.

სამართლებრივი სასჯელი ამ ეტაპზე ნეიმარს, მის მამას და როსელს ემუქრებათ.

ნეიმარის წინააღმდეგ სარჩელი ბრაზილიურმა საინვესტიციო ჯგუფმა DIS-მა შეიტანა, ის ფეხბურთელის სატრანსფერო უფლებების 40%-ს ფლობს და ამტკიცებს, რომ თანამშრომლობის პირობებში იმაზე ნაკლებ თანხას იღებდა, ვიდრე გათვალისწინებული იყო.

ნეიმარმა ბარსელონასთან ახალი ხუთწლიანი კონტრაქტი ოქტომბერში გააფორმა.