დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს სამედიცინო დირექტორი, მარინა ეზუგბაია ამბობს, რომ ბოლოს 24 საათში კორონავირუსის 18 ახალი შემთხვევა ძირითადად ბოლნისის რაიონიდანაა და ამიტომ შეუძლებელია იმის თქმა, რომ ეს შეზღუდვების შემსუბუქებამ გამოიწვია.

"გაზრდილი შემთხვევები არის ბოლნისის რაიონი. ანუ, ეს არის ბოლნისის რაიონში არსებული კონტაქტების დადასტურებული შემთხვევა ძირითადად და მათი გამოვლენა. ანუ, წყაროს შიგნით ხდება ეს. ამ ეტაპზე იმის თქმა შეუძლებელია, რომ შეზღუდვების მოხსნის შედეგად არის განვითარებული ეს გაზრდა", — აღნიშნა ეზუგბაიამ.

ბოლო 24 საათში საქართველოში კორონავირუსის 18 ახალი შემთხვევა გამოვლინდა. მათ შორის ნაწილის შესახებ დღეს გახადა ცნობილი.

ჯამში, ამ დროის მონაცემებით, საქართველოში კორონავირუსის 695 დადასტურებული შემთხვევაა. აქედან გამოჯანმრთელებულია 425, ხოლო გარდაცვლილი — 12. კარანტინის რეჟიმში იმყოფება 3822 მოქალაქე, სტაციონარში მეთვალყურეობის ქვეშ —360

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: