დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის დირექტორის, ლევან რატიანის თქმით, 6-7 დღეა, რაც კლინიკას კორონავირუსით ინფიცირებული ახალი პაციენტი არ მიუღია.

როგორც რატიანმა ჟურნალისტებს უთხრა, ამ ეტაპზე კლინიკაში 47 პაციენტი ჰყავთ, საიდანაც კოვიდინფიცირებული 38 არის.

მისივე თქმით, დღეს კლინიკიდან 1 პაციენტი გამოჯანმრთელებული პაციენტი ეწერება და დღის მეორე ნახევარში ელოდებიან, რომ 4 გამოჯანმრთელებული შემთხვევა დაემატებათ.

"რეანიმაციაში რჩება 2 პაციენტი. ერთის მდგომარეობა სტაბილურია. დღეს რადენიმე ექიმის მიერ მისი სომატური მდგომარეობა შეფასდება და, სავარაუდოდ, დღის მეორე ნახევარში გაეწერება სახლში, შინ მოვლის სამსახურის მეთვალყურეობით. მეორე პაციენტი, რომელიც რეანიმაციაშია, რჩება მძიმედ, მაგრამ მართვადია, ვნახოთ, როგორ დასრულდება მკურნალობას", — განაცხადა რატიანმა.

როგორც რატიანმა თქვა, მედპერსონალიდან, რომელმაც ბოლო 15 დღე გაატარა მკაცრი კარანტინის პირობებში გაატარა, კორონავირუსი არცერთ მათგანს არ დაუდასტურდა.

"აქ შემოვიდა ახალი ბრიგადა. იმედი მაქვს, ამ ეტაპზე ჩვენი კლინიკისთვის ეს ბოლო იქნება და ვიმედოვნებ, 1-ლი ივნისიდან, რაც ძალიან მინდა, რომ კოვიდთან ბრძოლა ჩვენმა კლინიკამ შეწყვიტოს, გადავიდეთ ჩვეულ რეჟიმში და მოვემსახუროთ ჩვეულებრივ პაციენებს", — განაცხადა რატიანმა.

ბოლო მონაცემებით, საქართველოში კორონავირუსით ინფიცირების 671 შემთხვევაა დადასტურებული, მათ შორის გარდაცვლილია 12 ადამიანი, ხოლო გამოჯანმრთელდა 393 პაციენტი. კარანტინის რეჟიმშია 3 873, ხოლო სტაციონარში მეთვალყურეობის ქვეშ 404 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: