დღეს უზენაესი სასამართლოს კოლეგიამ რუსთავი 2-ის საქმე დიდ პალატას გადასცა.

როგორც სასამართლოს ვებგვერდზე ვკითხულობთ, საქმე განსახილველად უზენაესი სასამართლოს დიდ პალატას "მხოლოდ და მხოლოდ განსაკუთრებულ შემთხვევებში" გადაეცემა.

ამ შემთხვევბს შემდეგი ორი სიტუაცია წარმოადგენს:

  1. საქმე თავისი შინაარსით წარმოადგენს იშვიათ სამართლებრივ პრობლემას;
  2. საკასაციო პალატა არ იზიარებს სხვა საკასაციო პალატის მიერ ადრე ჩამოყალიბებულ სამართლებრივ შეფასებას (ნორმის განმარტებას).

საქართველოს უზენაესი სასამართლოს დიდი პალატა შედგება საქართველოს უზენაესი სასამართლოს არანაკლებ ცხრა მოსამართლისაგან და მას თავმჯდომარეობს საქართველოს უზენაესი სასამართლოს თავმჯდომარე, ან მისი ერთ-ერთი მოადგილე.

TI რუსთავი 2-ის სასამართლო პროცესს ეხმაურება და აცხადებს, რომ მიუღებელია კრიტიკულ მედიასთან ამ ფორმით ბრძოლა.