თბილისის მერის, კახი კალაძის თქმით, მერია მზადაა საზოგადოებრივი ტრანსპორტის მუშაობა განაახლოს და ისინი ეპიდემილოგოების მითითებებს ელოდებიან. ამ თემაზე კალაძემ ღია ეთერში ისაუბრა.

"ჩვენ გვაქვს სრული მზადყოფნა, ვართ მაქსიმალურად მობილიზებულები და ველოდებით ეპიდემიოლოგების მხრიდან მითითებებს და როგორც კი იქნება მიღებული გადაწყვეტილება, მაშინვე დაიწყებს საზოგადოებრივი ტრანსპორტი მოემსახუროს დედაქალაქის მოსახლეობას. თუ რა ფორმით, რისი დაცვა და გათვალისწინება მოგვიწევს, ამაზე მოსახლეობასთან გვექნება კომუნიკაცია", — თქვა კახი კალაძემ.

მერმა აღნიშნა, რომ ამ თემასთან დაკავშირებით მერიას ბევრი ადამიანი უკავშირდება.

ბოლო მონაცემებით, საქართველოში კორონავირუსისგან გამოჯანმრთელებულთა რიცხვი 23-ით გაიზარდა, ხოლო ინფიცირებულთა რაოდენობა 5-ით. ბოლო მონაცემებით, ქვეყანაში ინფიცირებულია 647 ადამიანი, მათ შორის გამოჯანმრთელებულია 372, ხოლო გარდაცვლილია 11. კარანტინის რეჟიმშია 4 373 პირია, სტაციონარში მეთვალყურეობის ქვეშ კი 386 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: