ჯანდაცვის მინისტრის, ეკატერინე ტიკარაძის თქმით, წინასწარ არ იძლევიან დაპირებას, რომ 22 მაისს საქართველოში საგანგებო მდგომარეობის გამო არსებული შეზღუდვები სრულად მოიხსნება. ამ თემაზე მან იმედის ეთერში ისაუბრა.

"22 მაისამდე ჩვენ ჯერ კიდევ ვაკვირდებით. ვინაიდან, გვაქვს რამდენიმე დღე დაკვირვებისთვის, ჩვენ წინასწარ არ ვიძლევით არანაირ პირობას იმისას, რომ 22 მაისს სრულად მოიხსნება ყველა შეზღუდვა, თუმცა დაკვირვება მიმდინარეობს და თუ ჩვენ 3-4 დღის განმავლობაში გვექნება სრულიად თავისუფალი დღე ინფიცირებული პაციენტებისგან, მერე გვექნება საფუძველი ვიმსჯელოთ საკარანტინო ღონისძიებების სრულ მოხსნაზე", — თქვა ეკატერინე ტიკარაძემ.

მინისტრმა აღნიშნა, რომ საქართველოში ეპიდსიტუაცია საკმაოდ ცვალებადია და ჯერ არ ყოფილა შემთხვევა, რომ ინფექცია საერთოდ არ დაფიქსირებულიყო.