პარლამენტის დამოუკიდებელი დეპუტატი, თამარ ხულორდავა ამბობს, რომ მიუხედავად იმისა, თუ რას აცხადებენ ნაციონალურ მოძრაობაში, ქართულმა ოცნებამ საკონსტიტუციო ცვლილებების პროექტი პარლამენტში უნდა შეიტანოს და ხმა მისცეს.

მისი თმით, ქართული ოცნების სრული მხარდაჭერის შემთხვევაში, დამოუკიდებელი დეპუტატების ჯგუფთან ერთად, საკონსტიტუციო ცვლილებების მიღება შესაძლებელი იქნება.

როგორც ხულორდავა ამბობს, არანაირი საბაბით არ შეიძლება უარის თქმა შეთანხმებულ საკონსტიტუციო ცვლილებებზე.

"ქართულ ოცნებას ცვლილებები ხელს ნამდვილად არ აძლევს, მით უფრო ახლა, როცა კრიზისის პერიოდში შეძლო ძალების აღდგენა. ოპოზიციის ნაწილსაც თავისი მოტივები აქვს: მათი მიზანი ხელისუფლების სრული საერთაშორისო დისკრედიტაციაა. მათ, რა თქმა უნდა, არ სურთ ქართულმა ოცნებამ ქულების დაწერა შეძლოს ამ საკონსტიტუციო ცვლილების მიღებით. და რა გამოდის, ისევ ორი ჯგუფის ინტერესს უნდა გადაყვეს ჩვენი ქვეყნის ნორმალური განვითარების შანსი", — წერს ხულორდავა.