ბელარუსიის პრეზიდენტი, ალექსანდრე ლუკაშენკო ამბობს, რომ პანდემიის მიუხედავად 9 მაისს საზეიმო აღნიშვნის გარდა სხვა გამოსავალი არ ჰქონდათ. ლუკაშენკომ კრიტიკოსებს მიმართა, რომ ამის გამო მათი განსჯას არ იჩქარონ.

"ამ შეშლილ სამყაროში იქნებიან ადამიანები, რომლებიც დაგვგმობენ ამ წმინდა ღონისძიების ჩატარებისთვის, ნუ ჩქარობთ ჩვენს განსჯას, ჩვენ სხვა გამოსავალი არ გქონდა და რომ გვქონოდა, მაინც ასე მოვიქცეოდით. წელს მინსკში გამართული სამხედრო მარში იყოს ერთადერთი პოსტსაბჭოთა კავშირში, მთელი საბჭოთა გამარჯვების სიმბოლო გახდეს", — განაცხადა ლუკაშენკომ.

კორონავირუსის პანდემიის მიუხედავად, მინსკში მეორე მსოფლიო ომში გამარჯვებისადმი მიძღვნილი 9 მაისის სამხედრო აღლუმი გაიმართა. მედიის მიერ გავრცელებულ კადრებში ჩანს, რომ დედაქალაქის ქუჩებში ათასობით ადამიანი იყო შეკრებილი. აღლუმში დახლოებით 3 ათასი სამხედრო, 150 ტანკი და 40 ვერტმფრენი მონაწილეობდა.