აჭარის მთავრობის სახლთან საპროტესტო აქციაზე ოთხი პირი დააკავეს. გავრცელებულ კადრებში ჩანს, რომ აქციის მონაწილეებსა და პოლიციას შორის დაპირისპირება მოხდა.

როგორც შინაგან საქმეთა სამინისტროში აცხადებენ, ოთხი პირი ხულიგნოსბისა და პოლიციის დაუმორჩილებლობის ბრალდებით ადმინისტრაციული სამართლადრღვევისთვის დააკავეს.

აჭარის მაუწყებლის ინფორმაციით, მთავრობის სახლთან შეკრებილები მანამდე ორი პირის დაკავებას აპროტესტებენ. აქციის ერთ-ერთი მონაწილე ახალგაზრდა კაცი ამბობს, რომ მისი ძმა და მეორე დაკავებული რამდენიმე ადამიანს ეჩხუბა, რა დროსაც ორივე დაიჭრა. როგორც დაკავებულის ძმა ყვება, ორივე დაჭრილი დაზარალებულია და ამიტომაც მათ გათავისუფლებას ითხოვენ.