ჯანდაცვის მინისტრი, ეკატერინე ტიკარაძე ქვეყანაში არსებულ ეპიდსიტუაციაზე ამბობს, რომ არც პლატო გვაქვს და არც ვაკე და რეალურად, ტეხილი გვაქვს.

მისი თქმით, ეპიდემიოლოგიური კუთხით ქვეყანაში საკმაოდ კარგი დინამიკაა, რადგან ორი კვირის წინ დაინფიცირებული ადამიანებისა მნიშვნელოვანი ზრდა იყო, რაც დღესდღეობით იკლებს.

"რომ დავაკვირდეთ იმ მონაცემებს, რომელიც ჩვენ გვაქვს, გვაქვს ტეხილი და შეგვიძლია შემოვიტანოთ ახალი ტერმინი, რომელიც ყოველ დღეს აღნიშნავს მნიშვნელოვნად განსხვავებულ რიცხვებს. თუმცა, ამ კლების პროცესში, არის გარკვეული დღეები, როდესაც არის ნახტომი და ჩვენ გვხვდება ისეთი შემთხვევები, როდესაც 20-27 ინფიცირებული გვყავს 1 დღის მანძილზე", — განაცხადა ტიკარაძემ ღამის კურიერის ეთერში.