ნაციონალური მოძრაობა, პრემიერმინისტრს, გიორგი გახარიას, ინტერპელაციის წესით პარლამენტში იბარებს. ამის შესახებ პარტიის წევრმა, თინა ბოკუჩავამ დღეს გამართულ ბრიფინგზე განაცხადა.

მისი თქმით, დღეს პარლამენტში სახლში ულუკმაპუროდ დარჩენილი ადამიანების ხმა არ ისმის და ამიტომ გახარიამ ქვეყანაში არსებულ სიღარიბესთან დაკავშირებით მათ კითხვებს პასუხი უნდა გასცეს.

"კოვიდ 19-ის კრიზისიდან გამომდინარე, სამწუხაროდ, საქართველოში უკიდურესი სიღარიბე საქართველოში კიდევ უფრო გაიზრდება. ამ დროს რას აკეთებს ქართული ოცნების ხელისუფლება — ე.წ. დახმარების დახმარების პაკეტიდან, სინამდვილეში პარტაქტივის დაფინანსების და მათთან აფილირებულბ ბიზნესებში შერჩევითად ფულის ჩასხმის სქემაა, რატომ არ მისულა დღემდე ერთი თეთრის საქართველოს მოქალაქემდე. რატომ არ არის ამ ე.წ. გეგმაში არცერთი თეთრი გათვალისწინებული პენსიონერებზე, 600 ათასს თვითდასაქმებულზე ან 165 ათასს სოცდაუცველზე ან 100 ათასამდე შშმ პირზე ან დევნილებზე?" — განაცხადა ბოკუჩავამ.

ნაციონალური მოძრაობა პრემიერმინისტრს პლენარულ სხდომაზე, რეგლამენტით განსაზღვრულიდ წესის თანახმად, 29 მაისს ელის.