დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორის, მარინა ეზუგბაიას განცხადებით, პაციენტი #5 გამოჯანმრთელდა. მას Covid-19-ით 5 მარტს დაუდასტურდა და 2 თვე მკურნალობდა.

სწორედ პაციენტი #5 გახდა NCDC-ის დირექტორის შვილისა და სამედიცინო კორპორაცია ევექსის თანამშრომლის, ნიკოლოზ გამყრელიძის ინფიცირების წყარო, როდესაც იტალიიდან დაბრუნებული თათბირზე მივიდა.

ნიკოლოზ გამყრელიძე ამბობდა, რომ პაციენტ #5-ს სტრესი ჰქონდა და მომხდარში თავს იდანაშაულებდა. მისი აზრით, ნაწილობრივ ამანაც განაპირობა ის, რომ დიდი ხანი ვერ გამოჯანმრთელდა.

საქართველოში კორონავირუსის 11 ახალი შემთხვევა გამოვლინდა და სულ 604-მდე გაიზარდა. ამასთან, 17-ით გაიზარდა გამოჯანმრთელებულთა რაოდენობა და 240 შეადგინა.

კორონავირუსით გარდაიცვალა 9 ადამიანი. კარანტინის რეჟიმში რჩევა 4 887 ადამიანი, ხოლო სტაციონარში მეთვალყურეობის ქვეშ — 500.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: