იუსტიციის მინისტრის, თეა წულუკიანის განცხადებით, იუსტიციის სახლებში, რეგიონულ ცენტრებსა და დროებით სანოტარო ბიუროებში სერვისის მიღებისთვის მოქალაქემ ვიზიტი mygov.ge-ზე უნდა დაჯავშნოს. როგორც მინისტრმა განმარტა, მოქალაქემ ვიზიტისთვის სასურველი დღე და დრო უნდა აირჩიოს.

თეა წულუკიანის თქმით, mygov.ge-ს გვერდის ავლით შენობაში ვერც ერთი მოქალაქე ვერ მოხვდება. აღნიშნული წესი საგანგებო მდგომარეობის ვადით იმოქმედებს და ეპიდემიოლოგიური სიტუაციის მიხედვით დაკორექტირდება.

"ჯავშნის ელექტრონული სისტემა მოქმედებს ამ წუთიდან, თქვენ უკვე დღეიდან შეგიძლიათ დაჯავშნოთ ხვალ დილიდან თქვენთვის სასურველ დღეს და დროს ვიზიტი", — აღნიშნა მინისტრმა.

მისივე თქმით, ხელმისაწვდომია ყველა სერვისი, გარდა რიტუალის მეშვეობით ქორწინებისა, რადგან ერთ სივრცეში გარკვეული რაოდენობის ადამიანის შეკრებას გულისხმობს.