საქართველოში კორონავირუსით მე-9 ადამიანი გარდაიცვალა. იგი პირველ საუნივერსიტეტო კლინიკაში, რეანიმაციულ განყოფილებაში მკურნალობდა. მთავარ არხთან სატელეფონო საუბარში, კლინიკის დირექტორი, ლევან რატიანი ამბობს, რომ გარდაცვლილი დაახლოებით 60 წლის ქალია, რომელსაც ინფიცირების შემდეგ განუვითარდა მწვავე რესპირატორული დისტრეს სინდრომი, მწვავე პნევმონია და მწვავე სეფსისი. მისივე ცნობით, პაციენტი სამ კვირაზე მეტია მკურნალობდა მათ კლინიკაში.

ლევან რატიანმა 3 მაისს დილით განაცხადა, რომ საუნივერსიტეტო კლინიკის რეანიმაციაში 8 პაციენტია და მათგან ერთ-ერთის მდგომარეობა კრიტიკულია. მანვე დაადასტურა, რომ სწორედ ეს კრიტიკული პაციენტია მე-9 გარდაცვლილი.

3 მაისს კორონავირუსის დადასტურებული შემთხვევა 8 პაციენტით გაიზარდა და ჯამში მათი რიცხვი 589-მდე გაიზარდა. კარანტინის რეჟიმში 5 066 პირია, სტაციონარში მეთვალყურეობის ქვეშ — 528.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: