ნიგერიაში საქართველოს მოქალაქე 9 მეზღვაური გაიტაცეს. როგორც საზღვაო ტრანსპორტის სააგენტოში აცხადებენ, პანამის დროშის ქვეშ მცურავი მეკობრეები გემს 30 აპრილს დაესხნენ თავს.

გატაცებული 10 მეზღვაურიდან 9 საქართველოს მოქალაქეა. გემზე დარჩენილ 4 მეზღვაურს, რომლებიც ასევე საქართველოს მოქალაქეები არიან, საფრთხე არ ემუქრებათ.

როგორც სააგენტოში აცხადებენ, ისინი უკვე შეხვდნენ ოჯახის წევრებს და ინფორმაცია მიაწოდეს.

"ამ დროისათვის გატარებულია ყველა შესაბამისი ღონისძიება. საქართველოს ეკონომიკისა და მდგრადი განვითარების სამინისტროს საზღვაო ტანსპორტის სააგენტო და საგარეო საქმეთა სამინისტრო ერთობლივად მუშაობენ გემთმფლობელთან და საქმეში ჩართულ ყველა სხვა მხარესთან, რომ ყველა შესაძლო გზით მოხერხდეს ქართველი მეზღვაურების ტყვეობიდან დროულად და უსაფრთხოდ დახსნა", — ნათქვამია განცხადებაში.