აშშ-ს პრეზიდენტი, დონალდ ტრამპი ამბობს, რომ ქვეყანაში სადეზინფექციო ხსნარების არამიზნობრივი მოხმარების ზრდაზე პასუხისმგებლობას არ იღებს.

მისი თქმით, "წარმოდგენა არ აქვს" რას უკავშირდებოდა ის, რომ ბოლო დღეებში ზოგიერთ შტატში სადეზინფექციო ხსნარების არამიზნობრივი მოხმარების შემთხვევებმა მოიმატა.

გასულ კვირას დონალდ ტრამპი დაინტერესდა, სადეზინფექციო ხსნარის ორგანიზმში შეყვანით გაქრებოდა თუ არა COVID-19.

"როგორც დავინახე, დეზინფექცია ვირუსს ერთ წუთში კლავს. ერთ წუთში. არის რაიმე გზა იმისათვის, რომ რაიმე მსგავსი გაკეთდეს ინიექციის შეყვანით ან თითქმის წმენდით?", — აღნიშნა ტრამპმა.

მას შემდეგ, რაც დონალდ ტრამპის აღნიშნული განცხადების გამო ექიმები შეშფოთდნენ, მან განმარტა, რომ მისი კომენტარები ხსნარის სამკურნალოდ გამოყენებასთან დაკავშირებით მხოლოდ სარკაზმი იყო.