დღეს მე-9 მოწვევის პარლამენტის პირველი სხდომა 12 საათზე გაიმართება. ადგილზე ამჟამად საქართველოს პრეზიდენტსა და კათოლიკოს პატრიარქს ელოდებიან.

ქართული ოცნების დეპუტატი ლევან კობიაშვილი თავის თანაგუნდელებსა და კოლეგებს წარმატებას უსურვებს:

"დღეს მნიშვნელოვანი დღეა, მნიშვნელოვანი ეტაპი იწყება, ჩემს თავს მინდა წარმატება ვუსურვო და ყველა ჩემს გუნდელს, ასევე ყველა ჩემს კოლეგას, ვინც ამ შენობაში იმუშავებს".

ქართულ ოცნებას პარლამენტის თავჯდომარის თანამდებობაზე ირაკლი კობახიძე ჰყავს დასახელებული. პარლამენტი თავჯდომარესა და მის მოადგილეებს დღეს აირჩევს.

ადგილზე იმყოფება On.ge-ს ჟურნალისტი. ადევნეთ თვალი პარლამენტში მიმდინარე ამბებს ჩვენს ფეისბუკ გვერდზე.