კორონავირუსის დროს ბიზნესები შეჩერებულია, ადამიანები სახლში არიან გამოკეტილი. და როგორც ჩანს, ზოგიერთ ადგილას პანდემიამ ძველი ტრადიციები დააბრუნა.

აშშ-ში რამდენიმე რესტორანმა გადაწყვიტა, რომ მომხმარებელისთვის გასართობი სივრცე შეექმნა და ბიზნესიც გადაერჩინა — ამისთვის, საპარკინგე ადგილას ავტო-კინოთეატრის სივრცე მოაწყეს, რომელიც ვიზიტორებს საფრთხეში არ ჩააგდებდა, რადგან ისინი მანქანებში ყოფნისას სოციალურ დისტანციას დაიცავდნენ.

აშშ-ს მასშტაბით, კინოთეატრები, რომლებსაც მოქალაქეები მანქანებით ესწრებიან, 300 დაწესებულებაში გაიხსნა. შეიძლება ითქვას, რომ ეს ერთ-ერთი ყველაზე ნოსტალგიური ხერხია, რომელსაც პანდემიასთან ბრძოლისას მიმართეს.

მსოფლიოში პირველი ავტო-კინოთეატრი 1933 წელს გაიხსნა, პოლიომიელიტის ვაქცინა კი 1955 წელს შეიქმნა. სწორედ ამ პერიოდში გახდა მანქანებიდან ფილმების ყურება პოპულარული.

ფოტო: New York Times Co. / Getty Images