დაავადებათა კონტროლის ცენტრის დირექტორის მოადგილე, პაატა იმნაძე ამბობს, რომ რაღაც ეტაპზე მოქალაქეების "ზედმეტი დაზაფვრა" მოუწია. ამის შესახებ მან რუსთავი 2-ის ეთერში ისაუბრა.

"აქვე მინდა ბოდიში მოვიხადო, ძალიან ვწუხვარ, რაღაც ეტაპზე მე იძულებული გავხდი, ჩემი თანამოქალაქეები ზედმეტად დამეზაფრა, ოღონდ მე გამოვდიოდი სუფთა რეალობიდან და რეალური საფრთხე დავანახე", — განაცხადა პაატა იმნაძემ.

აღდგომამდე რამდენიმე დღით ადრე პაატა იმნაძემ და ამირან გამყრელიძემ ეკლესიაში წასვლისა და ეპიდემიის გავრცელების საშიშროებაზე არაერთხელ ისაუბრეს. მაშინ პაატა იმნაძემ განაცხადა, რომ თუ არ გვინდა საქართველო კუბოების რაოდენობას ვეღარ აუდიოდეს, ყველა სახლში უნდა დარჩეს.

ბოლო მონაცემებით, კორონავირუსით ინფიცირების 408 შემთხვევაა გამოვლენილი. მათ შორის 4 გარდაცვალება, გამოჯანმრთელებულთა რაოდენობა კი 97-მდე გაიზარდა. კარანტინის რეჟიმში რჩევა 5015 ადამიანი, ხოლო სტაციონარში მეთვალყურეობის ქვეშ — 573.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: