ტონგუს რეგიონში მცხოვრებმა ფერმერმა, ჟონ შუმ რამდენიმე დღის წინ შეამჩნია, რომ მის ფარას ახალი წევრი შეემატა. ახალშობილი მაიმუნი ერთ-ერთ თხაზე იყო ჩამოკონწიალებული და შეშინებული თვალებით იყურებოდა აქეთ-იქით.

მაიმუნს ღამითაც თხებთან ერთად სძინავს. ფერმერი ამბობს, რომ ის ხან ერთ ცხოველთანაა ჩახუტებული, ხან მეორესთან. სტუმარი მისთვის მირთმეულ ბანანებზე უარს ამბობს და თავის ახალ მეგობრებს ერთი ნაბიჯითაც არ სცილდება.